|
Pretoria
Kindermuzik ouers,
My oudste, Francois, hou nie van swem
nie. Toe vat ek hom maar Kindermuzik toe
– dalk geniet hy dit…
Dit was die begin van elke Maandagmiddag
se pleit/jok/verskoning by die werk om
vroeg te ry sodat die driejarige by die
musiekklassie kan uitkom, want hy geniet
hom toe gate uit by juffrou Alex se klas.
En om eerlik te wees was dit die
hoofrede waarom ek vir die volgende drie
jaar volgehou het om musiek toe te ry. (Soos
alle werkende moeders is my
skuldgevoelens oorontwikkel en sterker
as die drang om my werk klaar te maak en
die spitsverkeer te
vermy.)
Geleidelik het daar ander redes ook
bygekom soos die vriende wat mens daar
leer ken en die musiek instrumente
waarmee die kind kan |
|
eksperimenteer. O,
ja – en die CD’s hou die kinders in die
motor besig. Daar is selfs ‘n paar mooi
viool of klavierstukke wat ma se
rafelende senuwees ook ‘n bietjie kan
lawe. Maar die werklike waarde van
Kindermuzik begin nou eers op sewejarige
ouderdom te voorskyn kom.
Francois het die Kindermuzik reeks
voltooi en die begin van hierdie jaar
met formele viool lesse begin. Sy nuwe
musiek juffrou is baie beďndruk met sy
vermoë om musieknote te lees, want in
die laaste jaar van Kindermuzik (Young
child) is dit wat hulle op ‘n
speel-speel wyse geleer het. Ons is so
trots op sy vinnige vordering op die
gebied en ek glo vandag dat dit suiwer
te danke is aan die Kindermuzik klassies
wat hy bygewoon het.
Kindermuzik se invloed is egter nie net
tot die musiekwęreld beperk nie.
Francois het hierdie jaar ook Graad 1
aangepak.
In sy asseseringsverslae wat hy huis toe
bring, het dit ons onder andere opgeval
dat hy in beide Afrikaans en Engels (kan
jy glo – in Graad 1!) die vermoë om
tussen verskillende woordklanke te
onderskei, uitstekend bemeester het. Wat
het dit met Kindermuzik te doen? Ek
verwys julle na die nuwe “Our Time Home
Activity Book” bladsy 3:
“Language skills may be increased
through playing with the sounds of
familiar word patterns with a tune.
During Vocal Play, the child experiences
rhythm, accents, synchronization and
tempo, all integral parts of
communication.”
As ek reg verstaan is daar ook ‘n
positiewe verband tussen musiek en die
vermoë om wiskunde te doen. Om vir
Francois aan te haal: “Wiskunde is easy,
hoor!”
My jongste, Jo-Anne het hierdie jaar met
die “Our Time” klassie begin. By die
werk pleit/jok/soek verskoning ek alweer.
Hierdie keer pak ek egter die
spitsverkeer met ‘n glimlag en die Milk
& Cookie CD aan, want ek weet dat ek die
vrugte/vreugde van my kind se voorsprong
in die lewe oor vyf jaar sal smaak as sy
met haar skool loopbaan begin.
So tussen Jo-Anne se Milk & Cookie-saamsing
deur, geniet ek dit om na my seun se
graad 1 wyshede te luister. Sien julle
in die spitsverkeer!
Joan Esterhuizen |
